餓鬼界

朋友（某些極少數知道的）有時來電問候, 會問有冇嘔? 食唔食得? 瞓唔瞓得?

嘔, 一次也沒, 真的萬幸了.  只是平日上班坐地鐵時叫我很不好受, 冇位坐, 人又多, 空氣不流通, 站站下開始冒冷汗, 有點反胃作嘔.  當一走出車廂, 小休一會兒, 那就漸漸沒事, 每個星期總有一兩天有這樣的經歷, 我想是我最苦的反應了.

食, 食量跟往時差不多, 我一向也是食得之人, 如今, 食量沒有多大變化, 只是唔可以食太飽, 會頂胃, 食得少, 就怕會好似昨晚咁…

睡到半夜, 個胃 “囉囉攣”, 好不舒服, 不知是肚餓？還是什麼？ 在房內輾轉反側了好一會, 也睡不了, 結果要起身向正緊張地 “看波” 的蝦子餅求救.  他給我包包和飲品, 食完後, 胃沒有再發出警號, 之後, 我能很快地入睡了… 以後要食多幾餐喇… 同時買下些緊急食物才成。

所以話, 朋友忠言真的要聽, 話說，大肚婆餓起來, 真的很麻煩, 家中真的要預備不少應急食品, 要不然, 半夜三更都不知可去什麼地方買野食呢!

瞓, 如果不計一晚起二次身去廁所的話, 也算是睡得很甜.  朋友說, 我二三個月已經要起身二次, 那麼個肚再大點, 再壓住膀胱多點時, 咁點算呀? 我都想知道… 會變成點? 難道一晚要起四次身? 想起就怕怕… 希望唔好惡夢成真就好喇!