Sunday, May 03, 2009

西貢一日遊

五月二日, 晴天. 假期當然要帶托里b去街街喇.

今次, 我們決定去西貢, 因屋企樓下有巴士直接入西貢, 很方便.

一時半, 收拾好bb袋, 向西貢出發.

我們的精心計劃是: 二時半到西貢, 找家食店tea, bb三時前要食奶, 之後行兩小時, 六時半坐車回家,七時半在家食飯 (工人姐姐弄).

誰知? 塞車...

加上前一架巴士壞了, 我們的巴士由坐得好舒服(有位放袋) 變得非常擠迫(成車走廊都係人), 空調由cool變hot.

火爐仔(托里b) 當然成身汗喇, 仲要加上肚仔餓, 塞車塞到三時一刻, 我們仍在車上... bb餓得食奶o支都頂唔住, 狂哭... 狂叫... 捱不到落車才食.

我心痛極了, 馬上在擠滿人的車廂內開奶餵奶, 仲要托里爸揮揮扇子幫托里b隔溫. 他轉眼已飲了一大半, 落車後, 在旁邊公園內飲埋餘下的奶奶.

可能在車上太熱, 他全臉全頸都好紅, 仲有紅色點點的熱疹... 食完奶, 用水抹完臉頸, 換件乾淨的衣服, 托里b成個都舒服晒, 他好開心地四周望.

在我們食tea時, 他小睡了片刻 charge電. 而我們食完tea, 要去買bb糊仔... 因塞一塞車, 打亂了我們的計劃, 照計要在西貢餵6時半/7時的糊仔, 趕不到回家...

行街時... 托里b睇海... 睇船... 睇狗仔... (好開心)



累了, 是時候找地方坐坐, 飲杯野, 同時要準備餵糊仔.

好... 等咪咪錫下你先.

托里b等食, 等到要玩腳趾.


他累透了, 八時半回到家, 一入屋就要睡... 一覺睡天光.
待他睡著了, 我望著他臉頸上留下的小紅疹... 十分心痛. 下次出街, 一定要拿風扇仔和濕毛巾, 因火爐仔真的好怕熱.

4 comments:

readandeat said...

真的大得好快。

我個女都很怕熱。上次五月返香港已熱到成頭濕晒。

pam said...

天氣開始熱,要準備一切先好出街,不過就辛苦你們要揹更多嘢.

siuwingwing said...

假日去西貢好多人呀 ! 成日都會塞車啊 !

茂斯 said...

做爸爸媽媽,真系好不容易!!
你BB都算乖了

Web Site Hit Counters
Sony Computer Discount