Friday, November 14, 2008

小鄺鄺出世喇


我的小鄺鄺在11月10日出世喇!
重3.15kg, 差不多7磅. 臉圓圓, 好多肉...
這張相攝於產房, 只用布抹了身, 仍未去洗白白呢!

事發是這樣的....

11月9日早上9時許起床, 見有少少紅, 仲有少少水, 沒陣痛, 心想難道是"時侯"嗎? 即打碗話問問家人... 媽叫我馬上入院喎! 接著, 我去沖涼洗頭, 再叫醒蝦子餅... 在入院前, 我還想落樓下食個早餐... 可是, 蝦子餅不許我走來走去... 不一會, 他弄了一碗 "公仔麵"來打發我... 食飽飽, 坐的士入院... 檢查後, 真的是穿水, 開了1度, 那時已經是11時許.


我一人在待產房內等侯, 蝦子餅則回家等候, 因為我真的不知道何時才生, 可能要十幾廿個小時, 讓他回家等候好一點... 到時黃昏5時許, 陣痛開始了, 愈來愈強, 愈來愈痛... 到了10時, 我向護士求救, 說想打一支"止痛針", 當時她幫我打了一支... 心裡好像有點安慰, 但其實仍然很痛, 護士說, 你仍是1-2度, 還要等多一會, 開多度, 才可送我上產房... 到了12時, 肚很痛很痛, 又再向護士求救, 她說, 才開了2度幾... 送你上產房吧...


到了產房, 我馬上跟護士說, 要蝦子餅來陪產, 他拿了個有線電話來, 還幫我按了號碼, 要我自己跟他說"生喇, 你快d來!"... 之後, 我說, 想打 "無痛針", 護士答, 你已開到4-5度, 驗得血, 叫得麻醉師, 可能已經生左喇! (她說完, 果真什麼也沒有做)... 蝦子餅很快來到... 醫生護士不停在產房內出出入入... 到了2時, 我忍不到了, 要 "bit"他出來, 護士說, 才8度, 未是時間, 再忍忍吧! 我說, 忍唔到. 護士讓我試試... 試了2小時, 仍未成功... 最後, 要醫生用吸的方法, 幫一幫, 數十分鐘後, 才成功"bit"出小鄺鄺... 好辛苦, 好辛苦... 真的好辛苦...

原來, 生仔真的很痛... 唔可以唔信...
在此, 多謝各位的祝福.

6 comments:

Anonymous said...

好開心呀 ! 小鄺鄺出來了 ! o
你係邊間醫院生呀 ???

Anonymous said...

恭喜恭喜﹗

跟我當年差不多,痛到暈,我還不斷鬧人添。

Anonymous said...

我媽見到相話bb個樣好精叻呀.咁即似邊個呀!你一定答係你啦.

泡沫人 said...

wingwing,
期待已久,終於來臨.
我在QE生小鄺鄺的.

readandeat,
謝.係,生BB真的超超痛...物你仲有氣鬧人咩? 我就冇點出聲.

pam,
真的嗎? 謝.
咁你又猜錯喎,問心,BB真的似蝦子餅多一點,幸好是男仔,女仔可慘了.

Carman said...

你個b同我個b女同年同月同日出世哦...
又係stay係醫院成個星期先出院...
有興趣大家keep in touch 啦..^^

Carman said...

喂...唔係咁橋呀..你生b的過程同我差不多一樣...又係吸出來...

看看我blog吧..^^

Web Site Hit Counters
Sony Computer Discount